ਰਿਸ਼ੀ
ਸਟਾਕ ਮਾਰਕੀਟ 1 ਅਗਸਤ 2024 ਨੂੰ ਬੰਦ: ਅਗਸਤ ਮਹੀਨੇ ਦਾ ਪਹਿਲਾ ਕਾਰੋਬਾਰੀ ਸੈਸ਼ਨ ਭਾਰਤੀ ਸ਼ੇਅਰ ਬਾਜ਼ਾਰ ਲਈ ਇਤਿਹਾਸਕ ਰਿਹਾ। ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਪਹਿਲੀ ਵਾਰ 25,000 ਦੇ ਸਰਵਕਾਲੀ ਉੱਚ ਪੱਧਰ ਨੂੰ ਪਾਰ ਕਰਨ ਵਿੱਚ ਸਫਲ ਰਿਹਾ, ਜਦੋਂ ਕਿ ਬੀਐਸਈ ਸੈਂਸੈਕਸ ਵੀ 82,000 ਦੇ ਅੰਕੜੇ ਨੂੰ ਪਾਰ ਕਰਕੇ 82,129.49 ਦੇ ਇਤਿਹਾਸਕ ਉੱਚੇ ਪੱਧਰ ‘ਤੇ ਪਹੁੰਚ ਗਿਆ। ਬਾਜ਼ਾਰ ਵਿਚ ਇਸ ਵਾਧੇ ਦਾ ਸਿਹਰਾ ਊਰਜਾ ਖੇਤਰ ਦੇ ਸ਼ੇਅਰਾਂ ਨੂੰ ਜਾਂਦਾ ਹੈ। ਕੋਲ ਇੰਡੀਆ, ONGC ਪਾਵਰ ਗਰਿੱਡ ਵਰਗੀਆਂ ਸਰਕਾਰੀ ਕੰਪਨੀਆਂ ਦੇ ਸ਼ੇਅਰਾਂ ‘ਚ ਭਾਰੀ ਖਰੀਦਦਾਰੀ ਦੇਖਣ ਨੂੰ ਮਿਲੀ ਹੈ। ਅੱਜ ਦੇ ਕਾਰੋਬਾਰ ਦੀ ਸਮਾਪਤੀ ‘ਤੇ ਨਿਫਟੀ 640 ਅੰਕਾਂ ਦੀ ਛਾਲ ਨਾਲ 25,000 ਅੰਕਾਂ ਨੂੰ ਪਾਰ ਕਰ ਕੇ 25,011 ਅੰਕਾਂ ‘ਤੇ ਬੰਦ ਹੋਇਆ, ਜਦਕਿ ਸੈਂਸੈਕਸ 126 ਅੰਕਾਂ ਦੀ ਛਾਲ ਨਾਲ 81,867 ਅੰਕਾਂ ‘ਤੇ ਬੰਦ ਹੋਇਆ।
ਵਧ ਰਹੇ ਅਤੇ ਡਿੱਗ ਰਹੇ ਸਟਾਕ
ਅੱਜ ਦੇ ਕਾਰੋਬਾਰ ‘ਤੇ ਊਰਜਾ ਸਟਾਕਾਂ ਦਾ ਦਬਦਬਾ ਰਿਹਾ। ਇਸ ਸੈਕਟਰ ਦੇ ਸ਼ੇਅਰਾਂ ‘ਤੇ ਨਜ਼ਰ ਮਾਰੀਏ ਤਾਂ ਪਾਵਰ ਗਰਿੱਡ 3.73 ਫੀਸਦੀ, ਅਡਾਨੀ ਗ੍ਰੀਨ ਐਨਰਜੀ 3.16 ਫੀਸਦੀ, ਟਾਟਾ ਪਾਵਰ 2.51 ਫੀਸਦੀ, ਓਐਨਜੀਸੀ 2.03 ਫੀਸਦੀ, ਐਨਟੀਪੀਸੀ 1.83 ਫੀਸਦੀ, ਰਿਲਾਇੰਸ 0.75 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਏ। ਇਸ ਤੋਂ ਇਲਾਵਾ HDFC ਬੈਂਕ 1.85 ਫੀਸਦੀ, ਨੇਸਲੇ 1.38 ਫੀਸਦੀ, ਅਡਾਨੀ ਪੋਰਟਸ 1.07 ਫੀਸਦੀ, ਮਾਰੂਤੀ ਸੁਜ਼ੂਕੀ 1.01 ਫੀਸਦੀ, ਭਾਰਤੀ ਏਅਰਟੈੱਲ 0.66 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਏ। ਡਿੱਗਣ ਵਾਲੇ ਸ਼ੇਅਰਾਂ ‘ਚ ਮਹਿੰਦਰਾ ਐਂਡ ਮਹਿੰਦਰਾ 2.76 ਫੀਸਦੀ ਦੀ ਗਿਰਾਵਟ ਨਾਲ, ਟਾਟਾ ਸਟੀਲ 1.36 ਫੀਸਦੀ ਦੀ ਗਿਰਾਵਟ ਨਾਲ, ਬਜਾਜ ਫਿਨਸਰਵ 1.20 ਫੀਸਦੀ ਦੀ ਗਿਰਾਵਟ ਨਾਲ, ਐਸਬੀਆਈ 1.20 ਫੀਸਦੀ ਦੀ ਗਿਰਾਵਟ ਨਾਲ ਬੰਦ ਹੋਇਆ।
ਸੈਕਟਰਾਂ ਦੀ ਸਥਿਤੀ
ਅੱਜ ਦੇ ਕਾਰੋਬਾਰ ‘ਚ ਐਨਰਜੀ, ਫਾਰਮਾ, ਐੱਫ.ਐੱਮ.ਸੀ.ਜੀ., ਹੈਲਥਕੇਅਰ ਬੈਂਕਿੰਗ ਅਤੇ ਆਇਲ ਐਂਡ ਗੈਸ ਸੈਕਟਰ ਦੇ ਸ਼ੇਅਰਾਂ ‘ਚ ਖਰੀਦਾਰੀ ਦੇਖਣ ਨੂੰ ਮਿਲੀ, ਜਦੋਂ ਕਿ ਆਟੋ, ਆਈ.ਟੀ., ਕੰਜ਼ਿਊਮਰ ਡਿਊਰੇਬਲਸ, ਧਾਤੂ, ਰੀਅਲ ਅਸਟੇਟ ਅਤੇ ਮੀਡੀਆ ਸਟਾਕ ਘਾਟੇ ਨਾਲ ਬੰਦ ਹੋਏ। ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ ‘ਚ ਅੱਜ ਤੇਜ਼ੀ ਨੂੰ ਬਰੇਕ ਲੱਗੀ ਅਤੇ ਇਨ੍ਹਾਂ ਸ਼ੇਅਰਾਂ ‘ਚ ਮੁਨਾਫਾ ਬੁਕਿੰਗ ਦੇਖਣ ਨੂੰ ਮਿਲੀ। ਸੈਂਸੈਕਸ ਦੇ 30 ਸ਼ੇਅਰਾਂ ‘ਚੋਂ 15 ਵਧੇ ਅਤੇ 15 ਘਾਟੇ ਨਾਲ ਬੰਦ ਹੋਏ। ਨਿਫਟੀ ਦੇ 50 ਸ਼ੇਅਰਾਂ ‘ਚੋਂ 28 ਵਧੇ ਅਤੇ 22 ਘਾਟੇ ਨਾਲ ਬੰਦ ਹੋਏ।
ਮਾਰਕੀਟ ਕੈਪ ਵਿੱਚ ਗਿਰਾਵਟ
ਬੁੱਧਵਾਰ ਦੇ ਕਾਰੋਬਾਰੀ ਸੈਸ਼ਨ ‘ਚ ਭਾਰਤੀ ਸ਼ੇਅਰ ਬਾਜ਼ਾਰ ਦਾ ਮਾਰਕੀਟ ਕੈਪ ਰਿਕਾਰਡ ਉਚਾਈ ‘ਤੇ ਪਹੁੰਚ ਗਿਆ ਸੀ ਪਰ ਅੱਜ ਦੇ ਸੈਸ਼ਨ ‘ਚ ਇਸ ‘ਚ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। BSE ‘ਤੇ ਸੂਚੀਬੱਧ ਸਟਾਕਾਂ ਦਾ ਮਾਰਕੀਟ ਕੈਪ 461.61 ਲੱਖ ਕਰੋੜ ਰੁਪਏ ‘ਤੇ ਬੰਦ ਹੋਇਆ।
ਇਹ ਵੀ ਪੜ੍ਹੋ
