ਰਿਸ਼ੀ
ਸਟਾਕ ਮਾਰਕੀਟ 19 ਜੂਨ 2024 ਨੂੰ ਬੰਦ: ਬੈਂਕਿੰਗ ਅਤੇ ਵਿੱਤੀ ਖੇਤਰ ਨਾਲ ਜੁੜੇ ਸ਼ੇਅਰਾਂ ‘ਚ ਭਾਰੀ ਖਰੀਦਦਾਰੀ ਅਤੇ ਵਾਧੇ ਦੇ ਬਾਵਜੂਦ ਬੁੱਧਵਾਰ ਦੇ ਕਾਰੋਬਾਰੀ ਸੈਸ਼ਨ ‘ਚ ਭਾਰਤੀ ਸ਼ੇਅਰ ਬਾਜ਼ਾਰ ਫਲੈਟ ਬੰਦ ਹੋਇਆ। ਨਿਫਟੀ ਬੈਂਕ 1000 ਤੋਂ ਵੱਧ ਅੰਕਾਂ ਦੀ ਛਾਲ ਨਾਲ 52000 ਦੇ ਇਤਿਹਾਸਕ ਉੱਚੇ ਪੱਧਰ ‘ਤੇ ਪਹੁੰਚ ਗਿਆ। ਪਰ ਕੰਜ਼ਿਊਮਰ ਡਿਊਰੇਬਲਸ, ਐਨਰਜੀ ਅਤੇ ਐੱਫ.ਐੱਮ.ਸੀ.ਜੀ ਸ਼ੇਅਰਾਂ ‘ਚ ਬਿਕਵਾਲੀ ਕਾਰਨ ਬਾਜ਼ਾਰ ਫਲੈਟ ਬੰਦ ਹੋਇਆ। ਅੱਜ ਦੇ ਕਾਰੋਬਾਰ ਦੇ ਅੰਤ ‘ਚ ਬੀ.ਐੱਸ.ਈ. ਦਾ ਸੈਂਸੈਕਸ 36 ਅੰਕਾਂ ਦੀ ਉਛਾਲ ਨਾਲ 77,353 ਅੰਕਾਂ ‘ਤੇ ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 41 ਅੰਕਾਂ ਦੀ ਗਿਰਾਵਟ ਨਾਲ 23,516 ਅੰਕਾਂ ‘ਤੇ ਬੰਦ ਹੋਇਆ।
ਬਾਜ਼ਾਰ ਦਾ ਮੁੱਲ ਡਿੱਗ ਗਿਆ
ਸ਼ੇਅਰ ਬਾਜ਼ਾਰ ‘ਚ ਕਈ ਸੈਕਟਰਾਂ ਦੇ ਨਾਲ-ਨਾਲ ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ ‘ਚ ਮੁਨਾਫਾ ਬੁਕਿੰਗ ਕਾਰਨ ਭਾਰਤੀ ਸ਼ੇਅਰ ਬਾਜ਼ਾਰ ਦਾ ਮਾਰਕੀਟ ਕੈਪ 434 ਲੱਖ ਕਰੋੜ ਰੁਪਏ ‘ਤੇ ਬੰਦ ਹੋਇਆ ਹੈ। ਜੋ ਪਿਛਲੇ ਕਾਰੋਬਾਰੀ ਸੈਸ਼ਨ ‘ਚ 437.24 ਲੱਖ ਕਰੋੜ ਰੁਪਏ ਸੀ। ਅੱਜ ਦੇ ਸੈਸ਼ਨ ਵਿੱਚ ਨਿਵੇਸ਼ਕਾਂ ਦੀ ਦੌਲਤ ਵਿੱਚ 3.24 ਲੱਖ ਕਰੋੜ ਰੁਪਏ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਸੈਕਟਰ ਦੀ ਸਥਿਤੀ
ਅੱਜ ਦੇ ਕਾਰੋਬਾਰ ‘ਚ ਬੈਂਕਿੰਗ ਸ਼ੇਅਰਾਂ ‘ਚ ਭਾਰੀ ਖਰੀਦਦਾਰੀ ਦੇਖਣ ਨੂੰ ਮਿਲੀ ਅਤੇ ਇਸ ਕਾਰਨ ਬੈਂਕ ਨਿਫਟੀ 52000 ਦੇ ਅੰਕੜੇ ‘ਤੇ ਪਹੁੰਚ ਗਿਆ। ਇਸ ਦੇ ਬਾਵਜੂਦ ਸੂਚਕ ਅੰਕ 1.90 ਫੀਸਦੀ ਦੇ ਉਛਾਲ ਨਾਲ 51,398 ‘ਤੇ ਬੰਦ ਹੋਇਆ। ਇਸ ਤੋਂ ਇਲਾਵਾ ਆਈਟੀ ਸ਼ੇਅਰਾਂ ‘ਚ ਵੀ ਵਾਧਾ ਹੋਇਆ ਪਰ ਬਾਕੀ ਸਾਰੇ ਸੈਕਟਰਾਂ ਦੇ ਸ਼ੇਅਰਾਂ ਦੇ ਸੂਚਕ ਅੰਕ ਗਿਰਾਵਟ ਨਾਲ ਬੰਦ ਹੋਏ। ਕੰਜ਼ਿਊਮਰ ਡਿਊਰੇਬਲਸ, ਐਨਰਜੀ, ਐਫਐਮਸੀਜੀ, ਆਟੋ, ਫਾਰਮਾ, ਰੀਅਲ ਅਸਟੇਟ, ਹੈਲਥਕੇਅਰ ਅਤੇ ਆਇਲ ਐਂਡ ਗੈਸ ਸੈਕਟਰ ਦੇ ਸ਼ੇਅਰ ਘਾਟੇ ਨਾਲ ਬੰਦ ਹੋਏ। ਅੱਜ ਦੇ ਸੈਸ਼ਨ ‘ਚ ਨਿਫਟੀ ਮਿਡ ਕੈਪ ਅਤੇ ਸਮਾਲ ਕੈਪ ਸੂਚਕਾਂਕ ਵੀ ਗਿਰਾਵਟ ਨਾਲ ਬੰਦ ਹੋਏ। ਸੈਂਸੈਕਸ ਦੇ 30 ਸ਼ੇਅਰਾਂ ‘ਚੋਂ 10 ਵਧੇ ਅਤੇ 20 ਘਾਟੇ ਨਾਲ ਬੰਦ ਹੋਏ।
ਵਧਦੇ ਅਤੇ ਡਿੱਗਦੇ ਸ਼ੇਅਰ
ਅੱਜ ਦੇ ਕਾਰੋਬਾਰ ‘ਚ ਐਕਸਿਸ ਬੈਂਕ 3.17 ਫੀਸਦੀ, ਐਚਡੀਐਫਸੀ ਬੈਂਕ 3.06 ਫੀਸਦੀ, ਆਈਸੀਆਈਸੀਆਈ ਬੈਂਕ 1.93 ਫੀਸਦੀ, ਕੋਟਕ ਮਹਿੰਦਰਾ ਬੈਂਕ 1.67 ਫੀਸਦੀ, ਇੰਡਸਇੰਡ ਬੈਂਕ 1.48 ਫੀਸਦੀ ਅਤੇ ਐਸਬੀਆਈ 0.95 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਏ। ਜਦਕਿ ਟਾਈਟਨ 3.47 ਫੀਸਦੀ, ਭਾਰਤੀ ਏਅਰਟੈੱਲ 2.49 ਫੀਸਦੀ, ਮਾਰੂਤੀ 2.43 ਫੀਸਦੀ ਦੀ ਗਿਰਾਵਟ ਨਾਲ ਬੰਦ ਹੋਏ।
ਇਹ ਵੀ ਪੜ੍ਹੋ
