ਰਿਸ਼ੀ
ਭਾਰਤ ਖਿਲਾਫ ਨਫਰਤ ਭਰਿਆ ਭਾਸ਼ਣ : ਬੰਗਲਾਦੇਸ਼ ‘ਚ ਹਿੰਦੂ ਭਾਈਚਾਰੇ ‘ਤੇ ਲਗਾਤਾਰ ਹੋ ਰਹੇ ਹਮਲਿਆਂ ਕਾਰਨ ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਪੈਦਾ ਹੋਏ ਕੂਟਨੀਤਕ ਵਿਵਾਦ ਦੇ ਵਿਚਕਾਰ ਹੁਣ ਇਸਲਾਮਿਕ ਕੱਟੜਪੰਥੀ ਬੰਗਲਾਦੇਸ਼ ਮੌਲਾਨਾ ਸੁਰਖੀਆਂ ‘ਚ ਆ ਗਿਆ ਹੈ। ਇਸ ਬੰਗਲਾਦੇਸ਼ੀ ਮੌਲਾਨਾ ਦਾ ਨਾਂ ਇਨਾਇਤੁੱਲਾ ਅੱਬਾਸੀ ਹੈ। ਹਾਲ ਹੀ ‘ਚ ਇਸ ਮੌਲਾਨਾ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਉਨ੍ਹਾਂ ਨੇ ਭਾਰਤ ਖਿਲਾਫ ਜ਼ਹਿਰ ਉਗਲਿਆ ਹੈ। ਭਾਰਤ ਦੇ ਪ੍ਰਧਾਨ ਮੰਤਰੀ ਵੀ ਨਰਿੰਦਰ ਮੋਦੀ ਅਤੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਖਿਲਾਫ ਅਸ਼ਲੀਲ ਟਿੱਪਣੀ ਕੀਤੀ ਹੈ। ਇਸ ਤੋਂ ਇਲਾਵਾ ਮੌਲਾਨਾ ਨੇ ਭਾਰਤ ਦੀ ਰਾਜਧਾਨੀ ਦਿੱਲੀ ਵਿੱਚ ਇਸਲਾਮ ਦਾ ਝੰਡਾ ਲਹਿਰਾਉਣ ਦੀ ਧਮਕੀ ਦਿੱਤੀ ਹੈ।
ਵਾਇਰਲ ਹੋ ਰਹੇ ਵੀਡੀਓ ‘ਚ ਬੰਗਲਾਦੇਸ਼ੀ ਮੌਲਾਨਾ ਕਹਿੰਦੇ ਹਨ, ‘ਮੈਂ ਮੋਦੀ ਅਤੇ ਮਮਤਾ ਬੈਨਰਜੀ ਨੂੰ ਕਹਿਣਾ ਚਾਹੁੰਦਾ ਹਾਂ ਕਿ ਜੇਕਰ ਤੁਸੀਂ ਬੰਗਲਾਦੇਸ਼ ਵੱਲ ਹੱਥ ਵਧਾਇਆ ਤਾਂ 14 ਕਰੋੜ ਮੁਸਲਮਾਨ ਤੁਹਾਡਾ ਹੱਥ ਤੋੜ ਦੇਣਗੇ। ਬੰਗਲਾਦੇਸ਼ ਦਾ ਦੁਸ਼ਮਣ ਭਾਰਤ ਹੈ। ਉਸ ਨੇ ਅੱਗੇ ਕਿਹਾ, ‘ਜੇਕਰ 14 ਕਰੋੜ ਮੁਸਲਮਾਨ 28 ਕਰੋੜ ਡੰਡੇ ਦੋਹਾਂ ਹੱਥਾਂ ‘ਚ ਲੈ ਕੇ ਇਕੱਠੇ ਹੋ ਜਾਣ ਤਾਂ ਉਹ ਲਾਲ ਕਿਲ੍ਹੇ ‘ਤੇ ਕਬਜ਼ਾ ਕਰ ਲੈਣਗੇ।’
ਇਸ ਤੋਂ ਪਹਿਲਾਂ ਵੀ ਭਾਰਤ ਖਿਲਾਫ ਬਿਆਨ ਦੇ ਚੁੱਕੇ ਹਨ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਬੰਗਲਾਦੇਸ਼ ਦੇ ਇਸ ਮੌਲਾਨਾ ਨੇ ਭਾਰਤ ਵਿਰੁੱਧ ਜ਼ਹਿਰ ਉਗਲਿਆ ਹੋਵੇ। ਇਸ ਸਾਲ ਮਾਰਚ ਮਹੀਨੇ ‘ਚ ਇਸ ਮੌਲਾਨਾ ਦਾ ਇਕ ਬਿਆਨ ਸਾਹਮਣੇ ਆਇਆ ਸੀ, ਜਿਸ ‘ਚ ਉਸ ਨੇ ਦਿੱਲੀ ਦੇ ਲਾਲ ਕਿਲੇ ‘ਤੇ ਇਸਲਾਮ ਦਾ ਝੰਡਾ ਲਹਿਰਾਉਣ ਦੀ ਗੱਲ ਕਹੀ ਸੀ। ਅੱਬਾਸੀ ਨੇ ਕਿਹਾ ਸੀ ਕਿ ਜੇਕਰ ਕਿਸੇ ਨੇ ਬੰਗਲਾਦੇਸ਼ ‘ਤੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਹਰ ਮੁਸਲਮਾਨ ਜੇਹਾਦ ਲਈ ਫੌਜ ਦੇ ਨਾਲ ਖੜ੍ਹਾ ਹੋਵੇਗਾ। ਇਸ ਤੋਂ ਇਲਾਵਾ ਉਸ ਨੇ ਹਰ ਮਦਰੱਸੇ ਨੂੰ ਹਥਿਆਰਾਂ ਨਾਲ ਲੈਸ ਛਾਉਣੀ ਬਣਾਉਣ ਦੀ ਗੱਲ ਵੀ ਕਹੀ ਸੀ।
ਮਾਰਚ ਵਿੱਚ ਇੱਕ ਵਾਇਰਲ ਵੀਡੀਓ ਵਿੱਚ ਮੌਲਾਨਾ ਅੱਬਾਸੀ ਨੇ ਕਿਹਾ ਸੀ, ‘ਮਿਆਂਮਾਰ ਸਾਡੇ ਸਾਹਮਣੇ ਕੁਝ ਵੀ ਨਹੀਂ ਹੈ। ਜੇਕਰ ਬੰਗਲਾਦੇਸ਼ ਦੇ ਮੁਸਲਮਾਨ ਚਾਹੁਣ ਤਾਂ ਦਿੱਲੀ ਵਿੱਚ ਵੀ ਇਸਲਾਮ ਦਾ ਝੰਡਾ ਲਹਿਰਾਉਣਗੇ। ਇੰਸ਼ਾ ਅੱਲ੍ਹਾ ਅਜਿਹਾ ਹੀ ਹੋਵੇਗਾ।
ਕੌਣ ਹੈ ਇਹ ਮੌਲਾਨਾ ਇਨਾਇਤੁੱਲਾ ਅੱਬਾਸੀ??
ਇਨਾਇਤੁੱਲਾ ਅੱਬਾਸੀ ਇੱਕ ਬੰਗਲਾਦੇਸ਼ੀ ਵਿਦਵਾਨ ਹੈ, ਜੋ ਭਾਰਤ ਅਤੇ ਹਿੰਦੂਆਂ ਵਿਰੁੱਧ ਭੜਕਾਊ ਬਿਆਨਾਂ ਲਈ ਜਾਣਿਆ ਜਾਂਦਾ ਹੈ। ਇਸ ਦੇ ਨਾਲ ਹੀ ਇਨਾਇਤੁੱਲਾ ਅੱਬਾਸੀ ਨੇ ਚੀਨ ਨੂੰ ਬੰਗਲਾਦੇਸ਼ ਦੇ ਮੁਸਲਮਾਨਾਂ ਦਾ ਦੋਸਤ ਕਿਹਾ ਹੈ।
ਇਹ ਵੀ ਪੜ੍ਹੋ:
