ਰਿਸ਼ੀ
ਕਰਨਾਟਕ ਦੇ ਮੰਗਲੌਰ ‘ਚ 8 ਜੂਨ 1975 ਨੂੰ ਜਨਮੀ ਸ਼ਿਲਪਾ ਸ਼ੈੱਟੀ ਸ਼ੁਰੂ ਤੋਂ ਹੀ ਅਭਿਨੇਤਰੀ ਬਣਨਾ ਚਾਹੁੰਦੀ ਸੀ। 10ਵੀਂ ਪਾਸ ਕਰਨ ਤੋਂ ਬਾਅਦ ਉਸ ਨੇ ਮਾਡਲਿੰਗ ਕਰਨੀ ਸ਼ੁਰੂ ਕਰ ਦਿੱਤੀ। ਸ਼ਿਲਪਾ 17 ਸਾਲ ਦੀ ਉਮਰ ‘ਚ ਵਿਗਿਆਪਨ ਦੀ ਦੁਨੀਆ ‘ਚ ਆਈ ਸੀ।
ਮੀਡੀਆ ਰਿਪੋਰਟਾਂ ਮੁਤਾਬਕ ਸ਼ਿਲਪਾ ਨੇ ਇਸ਼ਤਿਹਾਰਾਂ ਤੋਂ ਬਾਅਦ ਫਿਲਮਾਂ ਵੱਲ ਰੁਖ਼ ਕੀਤਾ ਪਰ ਉਸ ਨੂੰ ਕਾਫੀ ਰਿਜੈਕਟ ਦਾ ਸਾਹਮਣਾ ਕਰਨਾ ਪਿਆ। ਹਾਲਾਂਕਿ ਕਾਫੀ ਸੰਘਰਸ਼ ਤੋਂ ਬਾਅਦ ਆਖਿਰਕਾਰ ਸ਼ਿਲਪਾ ਨੂੰ ਪਹਿਲੀ ਫਿਲਮ ਮਿਲੀ।
ਸ਼ਿਲਪਾ ਸ਼ੈੱਟੀ ਨੇ ਸਾਲ 1993 ‘ਚ ਫਿਲਮ ‘ਬਾਜ਼ੀਗਰ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਇਸ ਫਿਲਮ ‘ਚ ਸ਼ਾਹਰੁਖ ਖਾਨ ਅਤੇ ਕਾਜੋਲ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆਏ ਸਨ। ਸ਼ਿਲਪਾ ਸ਼ੈੱਟੀ ਵੀ ਅਹਿਮ ਭੂਮਿਕਾ ‘ਚ ਨਜ਼ਰ ਆਈ ਸੀ।
ਇਸ ਤੋਂ ਬਾਅਦ ਸ਼ਿਲਪਾ ਸ਼ੈੱਟੀ ਨੇ ‘ਧੜਕਨ’, ‘ਮੈਂ ਖਿਲਾੜੀ ਤੂੰ ਅਨਾੜੀ’, ‘ਇੰਡੀਅਨ’, ‘ਛੋਟੇ ਸਰਕਾਰ’, ‘ਆਗ’, ‘ਲਾਈਫ ਆਈ… ਮੈਟਰੋ’, ‘ਪਰਦੇਸੀ ਬਾਬੂ’ ਵਰਗੀਆਂ ਫਿਲਮਾਂ ‘ਚ ਕੰਮ ਕੀਤਾ।
ਸ਼ਿਲਪਾ ਸ਼ੈੱਟੀ ਅਜੇ ਵੀ ਫਿਲਮਾਂ ‘ਚ ਸਰਗਰਮ ਹੈ ਪਰ ਸਫਲਤਾ ਨਹੀਂ ਮਿਲ ਰਹੀ ਹੈ। ਹੁਣ ਉਹ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਹੈ। ਸ਼ਿਲਪਾ ਨੂੰ ਡਾਂਸ ਕਰਨਾ, ਖਾਣਾ ਬਣਾਉਣਾ ਅਤੇ ਯੋਗਾ ਕਰਨਾ ਪਸੰਦ ਹੈ।
ਸ਼ਿਲਪਾ ਸ਼ੈੱਟੀ 5 ਫੁੱਟ 10 ਇੰਚ ਲੰਬੀ ਹੈ ਅਤੇ ਇੰਡਸਟਰੀ ਦੀ ਸਭ ਤੋਂ ਲੰਬੀ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਇਸ ਸਾਲ ਅਭਿਨੇਤਰੀ ਆਪਣਾ 49ਵਾਂ ਜਨਮਦਿਨ ਮਨਾਏਗੀ ਪਰ ਉਮਰ ਦੇ ਇਸ ਪੜਾਅ ‘ਤੇ ਵੀ ਉਹ ਬਹੁਤ ਖੂਬਸੂਰਤ ਲੱਗ ਰਹੀ ਹੈ ਅਤੇ ਮੁਟਿਆਰਾਂ ਨੂੰ ਵੀ ਮਾਤ ਦਿੰਦੀ ਹੈ।
ਸ਼ਿਲਪਾ ਸ਼ੈੱਟੀ ਦਾ 90 ਦੇ ਦਹਾਕੇ ‘ਚ ਅਕਸ਼ੈ ਕੁਮਾਰ ਨਾਲ ਕਾਫੀ ਅਫੇਅਰ ਸੀ। ਪਰ ਬਾਅਦ ਵਿੱਚ ਉਨ੍ਹਾਂ ਦਾ ਬ੍ਰੇਕਅੱਪ ਹੋ ਗਿਆ ਅਤੇ ਅਦਾਕਾਰਾ ਨੇ ਇਸ ਬਾਰੇ ਖੁੱਲ੍ਹ ਕੇ ਗੱਲ ਵੀ ਕੀਤੀ ਹੈ।
2009 ਵਿੱਚ ਸ਼ਿਲਪਾ ਸ਼ੈੱਟੀ ਨੇ ਬਿਜ਼ਨੈੱਸਮੈਨ ਰਾਜ ਕੁੰਦਰਾ ਨਾਲ ਵਿਆਹ ਕੀਤਾ ਅਤੇ ਉਸ ਦੇ ਦੋ ਬੱਚੇ ਹਨ। ਸ਼ਿਲਪਾ ਸ਼ੈੱਟੀ ਫਿਲਹਾਲ ਖੁਸ਼ਹਾਲ ਵਿਆਹੁਤਾ ਜੀਵਨ ਬਤੀਤ ਕਰ ਰਹੀ ਹੈ।
ਪ੍ਰਕਾਸ਼ਿਤ : 08 ਜੂਨ 2024 06:34 AM (IST)
