ਕਰਨਾਟਕ ਸਰਕਾਰ ਔਰਤਾਂ ਲਈ ਕੰਮ-ਜੀਵਨ ਸੰਤੁਲਨ ਨੂੰ ਬਿਹਤਰ ਬਣਾਉਣ ਦੇ ਉਦੇਸ਼ ਨਾਲ ਪ੍ਰਾਈਵੇਟ ਅਤੇ ਸਰਕਾਰੀ ਦੋਵਾਂ ਖੇਤਰਾਂ ਵਿੱਚ ਔਰਤਾਂ ਲਈ ਪੇਡ ਪੀਰੀਅਡ ਛੁੱਟੀ ਸ਼ੁਰੂ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਅਜਿਹੇ ‘ਚ ਕਰਨਾਟਕ ਸਰਕਾਰ ਪੀਰੀਅਡਜ਼ ਦੌਰਾਨ ਹੋਣ ਵਾਲੀਆਂ ਸਰੀਰਕ ਅਤੇ ਭਾਵਨਾਤਮਕ ਚੁਣੌਤੀਆਂ ਨਾਲ ਨਜਿੱਠਣ ਲਈ ਔਰਤਾਂ ਨੂੰ ਸਾਲ ‘ਚ 6 ਦਿਨ ਦੀ ਛੁੱਟੀ ਦੇਣ ਦਾ ਫੈਸਲਾ ਕਰ ਰਹੀ ਹੈ।
ਕਰਨਾਟਕ ਸਰਕਾਰ ਨੇ ਔਰਤਾਂ ਲਈ ਨਵੀਂ ਪਹਿਲ ਸ਼ੁਰੂ ਕੀਤੀ ਹੈ
ਕਿਰਤ ਮੰਤਰੀ ਸੰਤੋਸ਼ ਲਾਡ ਨੇ ਕਿਹਾ ਕਿ ਅਸੀਂ ਪ੍ਰਸਤਾਵ ਦੀ ਸਮੀਖਿਆ ਕਰ ਰਹੇ ਹਾਂ ਅਤੇ ਕਮੇਟੀ ਮੈਂਬਰਾਂ ਨਾਲ ਮੀਟਿੰਗ ਤੈਅ ਕੀਤੀ ਹੈ। ਇਸ ਦਾ ਉਦੇਸ਼ ਕੰਮ ਵਾਲੀ ਥਾਂ ‘ਤੇ ਔਰਤਾਂ ਦਾ ਸਮਰਥਨ ਕਰਨਾ ਹੈ, ਕਿਉਂਕਿ ਔਰਤਾਂ ਨੂੰ ਸਾਰੀ ਉਮਰ ਸਰੀਰਕ ਅਤੇ ਭਾਵਨਾਤਮਕ ਉਤਰਾਅ-ਚੜ੍ਹਾਅ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਛੁੱਟੀ ਮਿਲਣ ਨਾਲ ਔਰਤਾਂ ਇਹ ਚੁਣ ਸਕਣਗੀਆਂ ਕਿ ਉਹ ਕਦੋਂ ਛੁੱਟੀ ਚਾਹੁੰਦੀਆਂ ਹਨ। ਲਾਡ ਕਮੇਟੀ ਮੈਂਬਰਾਂ ਨਾਲ ਮੁਲਾਕਾਤ ਕਰਕੇ ਸਿਫ਼ਾਰਸ਼ਾਂ ‘ਤੇ ਵਿਚਾਰ ਵਟਾਂਦਰਾ ਕਰਨਗੇ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਜਨਤਾ, ਕੰਪਨੀਆਂ ਅਤੇ ਹੋਰਾਂ ਨਾਲ ਸਲਾਹ ਮਸ਼ਵਰੇ ਲਈ ਬਾਹਰ ਰੱਖਿਆ ਜਾਵੇਗਾ।
ਜਾਣੋ ਕਿਨ੍ਹਾਂ ਰਾਜਾਂ ਵਿੱਚ ਪੀਰੀਅਡ ਲੀਵ ਪਲਾਨ ਚੱਲ ਰਿਹਾ ਹੈ?
3 ਰਾਜਾਂ ਵਿੱਚ ਪਹਿਲਾਂ ਹੀ ਪੀਰੀਅਡ ਲੀਵ ਸਕੀਮ ਹੈ। ਜੇਕਰ ਇਹ ਸਕੀਮ ਪਾਸ ਹੋ ਜਾਂਦੀ ਹੈ ਤਾਂ ਕਰਨਾਟਕ, ਬਿਹਾਰ, ਕੇਰਲ ਅਤੇ ਉੜੀਸਾ ਤੋਂ ਬਾਅਦ ਪੀਰੀਅਡ ਛੁੱਟੀ ਦੇਣ ਵਾਲਾ ਚੌਥਾ ਰਾਜ ਹੋਵੇਗਾ। ਇਸ ਦੌਰਾਨ ਕਰਨਾਟਕ ਸਰਕਾਰ ਨੇ ਕੰਮਕਾਜੀ ਔਰਤਾਂ ਦੀ ਭਲਾਈ ਨੂੰ ਧਿਆਨ ਵਿੱਚ ਰੱਖਦਿਆਂ ਬਿੱਲ ਦਾ ਖਰੜਾ ਤਿਆਰ ਕਰਨ ਲਈ 18 ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਹੈ।
ਹਾਲਾਂਕਿ, ਬਿਹਾਰ ਸਰਕਾਰ ਨੇ 1992 ਵਿੱਚ ਆਪਣੀ ਨੀਤੀ ਪੇਸ਼ ਕੀਤੀ ਸੀ, ਜਿਸ ਦੇ ਤਹਿਤ ਔਰਤਾਂ ਨੂੰ ਉਨ੍ਹਾਂ ਦੇ ਮਾਹਵਾਰੀ ਦੌਰਾਨ ਹਰ ਮਹੀਨੇ 2 ਦਿਨ ਦੀ ਛੁੱਟੀ ਦਿੱਤੀ ਜਾਂਦੀ ਹੈ। 2023 ਵਿੱਚ, ਕੇਰਲ ਨੇ ਸਾਰੀਆਂ ਯੂਨੀਵਰਸਿਟੀਆਂ ਅਤੇ ਸੰਸਥਾਵਾਂ ਵਿੱਚ ਮਹਿਲਾ ਵਿਦਿਆਰਥੀਆਂ ਨੂੰ ਪੀਰੀਅਡ ਲੀਵ ਦੇ ਨਾਲ-ਨਾਲ 18 ਸਾਲ ਤੋਂ ਵੱਧ ਉਮਰ ਦੀਆਂ ਵਿਦਿਆਰਥਣਾਂ ਨੂੰ 60 ਦਿਨਾਂ ਤੱਕ ਦੀ ਜਣੇਪਾ ਛੁੱਟੀ ਦੇਣ ਦਾ ਫੈਸਲਾ ਕੀਤਾ। ਉਧਰ, ਅਗਸਤ ਵਿੱਚ, ਓਡੀਸ਼ਾ ਸਰਕਾਰ ਨੇ ਰਾਜ ਸਰਕਾਰ ਅਤੇ ਨਿੱਜੀ ਖੇਤਰ ਵਿੱਚ ਮਹਿਲਾ ਕਰਮਚਾਰੀਆਂ ਲਈ ਇੱਕ ਦਿਨ ਦੀ ਛੁੱਟੀ ਸ਼ੁਰੂ ਕੀਤੀ ਸੀ।
ਇਹ ਵੀ ਪੜ੍ਹੋ: ‘ਇੰਡੀਆ ਆਊਟ’ ਦਾ ਨਾਅਰਾ ਬੁਲੰਦ ਕਰਨ ਗਿਆ ਸੀ ਮੁਈਜ਼ੂ, ਭਾਰਤ ਨੇ ਔਖੀ ਘੜੀ ‘ਚ ਦਿਖਾਈ ਉਦਾਰਤਾ, ਮਾਲਦੀਵ ਨੇ ਕਿਹਾ- ਧੰਨਵਾਦ