ਰਿਸ਼ੀ
ਫਤਿਹ ਬਾਕਸ ਆਫਿਸ ਕਲੈਕਸ਼ਨ ਦਿਵਸ 2: ਸੋਨੂੰ ਸੂਦ ਦੀ ਐਕਸ਼ਨ ਨਾਲ ਭਰਪੂਰ ਫਿਲਮ ‘ਫਤਿਹ’ ਸਿਨੇਮਾਘਰਾਂ ‘ਚ ਦਸਤਕ ਦੇ ਚੁੱਕੀ ਹੈ। ਫਿਲਮ ਦੀ ਟੱਕਰ ਬਾਕਸ ਆਫਿਸ ‘ਤੇ ਰਾਮ ਚਰਨ ਦੀ ਸਿਆਸੀ-ਡਰਾਮਾ ‘ਗੇਮ ਚੇਂਜਰ’ ਨਾਲ ਹੋਈ। ਇਸ ਦੇ ਨਾਲ ਹੀ ‘ਪੁਸ਼ਪਾ 2’ ਪਹਿਲਾਂ ਤੋਂ ਹੀ ਪਰਦੇ ‘ਤੇ ਮੌਜੂਦ ਹੈ ਅਤੇ ਅਜਿਹੇ ‘ਚ ਸੋਨੂੰ ਸੂਦ ਦੀ ਫਿਲਮ ਨੇ ਬਾਕਸ ਆਫਿਸ ‘ਤੇ ਹੌਲੀ ਸ਼ੁਰੂਆਤ ਕੀਤੀ ਸੀ। ਮੇਕਰਸ ਨੂੰ ਵੀਕੈਂਡ ਤੋਂ ਕਾਫੀ ਉਮੀਦਾਂ ਸਨ ਪਰ ਦੂਜੇ ਦਿਨ ‘ਫਤਿਹ’ ਦਾ ਕਲੈਕਸ਼ਨ ਹੋਰ ਘੱਟ ਗਿਆ ਅਤੇ ‘ਪੁਸ਼ਪਾ 2’ ਦੇ ਬਰਾਬਰ ਰਿਹਾ।
SACNILC ਦੀ ਰਿਪੋਰਟ ਦੇ ਅਨੁਸਾਰ, ‘ਫਤਿਹ’ ਨੇ ਪਹਿਲੇ ਦਿਨ 2.4 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ ਅਤੇ ਬਾਕਸ ਆਫਿਸ ‘ਤੇ ਹੌਲੀ ਸ਼ੁਰੂਆਤ ਕੀਤੀ ਸੀ। ਦੂਜੇ ਦਿਨ ਫਿਲਮ ਦੇ ਕਲੈਕਸ਼ਨ ‘ਚ ਗਿਰਾਵਟ ਦੇਖਣ ਨੂੰ ਮਿਲੀ ‘ਫਤਿਹ’ ਨੇ ਦੂਜੇ ਦਿਨ ਘਰੇਲੂ ਬਾਕਸ ਆਫਿਸ ‘ਤੇ ਸਿਰਫ 2 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਯਾਨੀ ਦੋ ਦਿਨਾਂ ‘ਚ ਸੋਨੂੰ ਸੂਦ ਦੀ ਫਿਲਮ ਨੇ ਕੁੱਲ 4.4 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ।
ਕਲੈਕਸ਼ਨ ‘ਪੁਸ਼ਪਾ 2’ ਦੇ ਬਰਾਬਰ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ‘ਫਤਿਹ’ ਅਤੇ ‘ਗੇਮ ਚੇਂਜਰ’ 10 ਜਨਵਰੀ ਨੂੰ ਰਿਲੀਜ਼ ਹੋਈਆਂ ਸਨ ਅਤੇ ਇਸ ਤੋਂ ਪਹਿਲਾਂ ‘ਪੁਸ਼ਪਾ 2’ ਬਾਕਸ ਆਫਿਸ ‘ਤੇ ਕਾਬਜ਼ ਸੀ। ਅੱਲੂ ਅਰਜੁਨ ਸਟਾਰਰ ਫਿਲਮ ਨੂੰ ਰਿਲੀਜ਼ ਹੋਏ 38 ਦਿਨ ਹੋ ਗਏ ਹਨ ਪਰ ਫਿਲਮ ਅਜੇ ਵੀ ਹਰ ਰੋਜ਼ ਕਰੋੜਾਂ ਦੀ ਕਮਾਈ ਕਰ ਰਹੀ ਹੈ। ਇਸ ਸ਼ਨੀਵਾਰ (38ਵੇਂ ਦਿਨ) ਵੀ ‘ਪੁਸ਼ਪਾ 2’ ਨੇ ਭਾਰਤੀ ਬਾਕਸ ਆਫਿਸ ‘ਤੇ ‘ਫਤਿਹ’ ਦੇ ਬਰਾਬਰ ਕਮਾਈ ਕੀਤੀ ਹੈ। ‘ਫਤਿਹ’ ਨੇ ਦੂਜੇ ਦਿਨ ਜਿੱਥੇ 2 ਕਰੋੜ ਦੀ ਕਮਾਈ ਕੀਤੀ, ਉਥੇ ਹੀ 38ਵੇਂ ਦਿਨ ‘ਪੁਸ਼ਪਾ 2’ ਦਾ ਕਲੈਕਸ਼ਨ ਸਿਰਫ 2 ਕਰੋੜ ਰੁਪਏ ਰਿਹਾ।
‘ਫਤਿਹ’ ਦੀ ਸਟਾਰ ਕਾਸਟ
ਸੋਨੂੰ ਸੂਦ ਸਟਾਰਰ ਫਿਲਮ ‘ਫਤਿਹ’ ਦਾ ਨਿਰਦੇਸ਼ਨ ਖੁਦ ਸੋਨੂੰ ਸੂਦ ਨੇ ਕੀਤਾ ਹੈ। ਫਿਲਮ ਦਾ ਨਿਰਮਾਣ ਸ਼ਕਤੀ ਸਾਗਰ ਪ੍ਰੋਡਕਸ਼ਨ ਅਤੇ ਜ਼ੀ ਸਟੂਡੀਓ ਨੇ ਕੀਤਾ ਹੈ। ‘ਫਤਿਹ’ ‘ਚ ਸੋਨੂੰ ਸੂਦ ਅਤੇ ਜੈਕਲੀਨ ਫਰਨਾਂਡੀਜ਼ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆ ਚੁੱਕੇ ਹਨ। ਇਸ ਦੇ ਨਾਲ ਵਿਜੇ ਰਾਜ ਅਤੇ ਨਸੀਰੂਦੀਨ ਸ਼ਾਹ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ।
ਇਹ ਵੀ ਪੜ੍ਹੋ: Game Changer Box Office Collection Day 2: “ਗੇਮ ਚੇਂਜਰ” ਬਾਕਸ ਆਫਿਸ ‘ਤੇ ਫੇਲ, ਦੂਜੇ ਦਿਨ ਹੀ ਫਿਲਮ ਦੀ ਕਮਾਈ ਘੱਟ ਗਈ।
